Job 25

Mĩario ya Bilidadi

1 Nake Bilidadi ũrĩa Mũshuhi agĩcookia atĩrĩ:

2 ^a“Wathani na gwĩtigĩrwo nĩ cia Ngai;
nĩwe ũhaandaga watho kũu igũrũ o igũrũ mũno.
3 ^bMbũtũ ciake no itarĩke?
Nũũ ũtaaragĩrwo nĩ ũtheri wake?
4 Mũndũ aakĩhota atĩa gũkorwo arĩ mũthingu mbere ya Mũrungu?
Mũndũ ũciarĩtwo nĩ mũndũ-wa-nja-rĩ, akĩhota atĩa gũtuĩka mũtheru?
5 ^cAngĩkorwo o na mweri ti mũcangararu,
na njata ti theru maitho-inĩ make-rĩ,
6 ^dmũndũ na no ta kĩgunyũ, o we mũrũ wa mũndũ-rĩ,
ndakĩrĩ mũnyiihĩre mũno makĩrĩa!”